Dünya

İŞİD “Hizbullah”ın hərbi postuna hücum edib

5 Oktyabr 2014 23:40

“Əl-Qaidə”yə bağlı “Əl-Nüsrə” Cəbhəsi qruplaşmasının yüzlərlə döyüşçüsü Livanın şərqində “Hizbullah” hərəkatının hərbi postuna hücum edib.

Publika.az-ın “Röyters” xəbər agentliyinə istinadən verdiyi məlumata görə, bu barədə “Hizbullah”a yaxın mənbələr bildirib.

Bundan əvvəl isə bildirilirdi ki, “İslam Dövləti” (İŞİD) qruplaşmasının üzvləri Suriya-Livan sərhədindəki Brital dağlıq rayonunda “Hizbullah”ın hərbi postuna hücum edib. Yerli KİV-in məlumatına görə, "Hizbullah” Livan ərazisinə daxil olmağa çalışan İŞİD-in bu cəhdinin qarşısını alıb. İtki barədə isə hər hansı məlumat verilmirdi.

“Röyters” agentliyi isə xəbər verir ki, hərbi posta hücumun arxasında məhz “Əl-Nüsra” Cəbhəsi dayanır. Qruplaşmanın ən azı 16 üzvünün öldürüldüyü bildirilir.

Ömər Dağlı