İraq regional kürd rəhbərliyinin başçısı Məsud Bərzani dünən gecə İŞİD-in 2 min silahlısı ilə mühasirəyə aldığı Kobani üçün Türkiyəyə müraciət edib.
Publika.az-ın Türkiyə mediasına istinadən verdiyi məlumata görə, Bərzani Türkiyədən peşmergenin Kobaniyə keçməsi üçün rəsmi olaraq icazə istəyib.
İraq regional kürd rəhbərliyinin başçısı coğrafi şərtlərin Suriyanın Kobani bölgəsinə peşmergenin göndərməlsinə maneə törətdiyini bildirib.
“Biz Kobaniyə peşmerge gücü göndərməyi istəyirik. Ancaq coğrafi şərtlər Kobaniyə peşmerge göndərməyimizə maneə törədir. Qısa zaman ərzində İŞİD terrorçularına ağır bir zərbənin endirilməsinə ümid edirik”, - deyə M.Bərzani söyləyib.
Ömər Dağlı
