.jpg)
Türkiyənin Siirt əyalətinin Kurtalan mahalında Kobani hadisələrini bəhanə edərək küçələrə çıxan iki qrup arasında atışma olub.
Publika.az-ın məlumatına görə, atışmada 2 nəfər ölüb, 7 nəfər yaralanıb.
Məlumatda bildirilir ki, Kobaniyə hücumlara qarşı etiraz aksiyası keçirənlər bələdiyə binasını yandırıb, polisə molotof kokteyli atan qrupla əks fikirli dəstə arasında atışma olub.
Nəticədə 2 nəfər ölüb, Necat Ç., Cihan T., Bedriye Y., Hikmet B., Mehmet Ç., Cüneyt Y. və şəxsiyyəti hələlik müəyyənləşdirilməmiş 6 nəfər yaralanıb.
Yaralılar Kurtalan dövlət xəstəxanasına aparılıblar. Hadisədən dərhal sonra Siirtin Kurtulan mahalında komendant saatı elan edilib.
Verilən son məlumatlara görə Türkiyənin Diyarbəkir bölgəsində də yerli vaxtla saat 22:00-dan etibarən komendant saatı elan olunub.
.jpg)
