Dünya

“Quru hərəkatı olmasa, uğur qazana bilməyəcəksiniz”

24 Oktyabr 2014 00:32

“ABŞ-ın hava əməliyyatı İŞİD-ə qismən zərər vurub. Amma siz hava hərəkatını quru hərəkatı ilə dəstəkləməsəniz, müvəffəqiyyətli ola bilməzsiniz”.

Publika.az-ın Türkiyə mediasına istinadən verdiyi məlumata görə, bu Latviya səfəri çərçivəsində Latviya Universitetində etdiyi çıxışında deyib.

Türkiyə prezidenti İŞİD terror təşkilatının keçmiş baş nazir Nuri Əl-Malikinin silahları ilə gücləndiyini bildirib: “İraq işğaldan sonra sabitliyə qovuşa bilmədi. İŞİD adlı terror təşkilatı haradan çıxdı? Yaranması “Əl-Qaidə”dən başladı, Suriyaya keçdi və gücləndi. Mosul hadisəsinə də çox diqqətli baxmaq lazımdır. Malikinin ordusu bütün silahlarını qoyub qaçdı. Bu silahları İŞİD aldı. Bundan sonra əməliyyatları daha da təsirli oldu. Bağdadın 50 kilometrliyinə kimi gəldilər. İraqın üçdə birinə sahibdirlər. Bütün bu əməliyyatları həmin silahlarla etdilər”.

Ərdoğan qeyd edib ki, BMT səmimi davransa dünya sülh prosesində çox fərqli bir nöqtəyə gələ bilərik.

Ömər Dağlı