Gülən islamçılara “münafiq” dedi – VİDEO

Fətullah Gülən özünə müxalif olan siyasətçi və ziyalılara qarşı ittihamlar irəli sürüb.

Publika.az-ın məlumatına görə, hər həftə Fətullah Gülənin söhbətləri youtube.com video paylaşma saytında yayımlanır. Ancaq Gülən sonuncu söhbətində din adamına yaraşmayan ifadələr işlədib. Belə ki, o, özünə müxalif olan şəxslər haqqında ağır ittihamlar irəli sürüb.

Oktyabrın 29-da yayımlanan videoda Fətullah Gülən yenə tərəfdarlarına üstüörtülü göstərişlər verib. Bundan əlavə Gülən islamçılara qarşı kobud ifadələr işlədib. O, Avropa Birliyinin yox, İslam birliyinin tərəfdarı olan şəxslərə “münafiq” deyib.

Həmişə tolerant olduğunu iddia edən Gülən buhəftəki nitqində “oğru, münafq, yalançı, nifaqçı” kimi kobud sözlərdən istifadə edib.

Fətullah Gülən onu tənqid edən siyasətçi və ziyalıları da yaddan çıxartmayıb, mövcud Türkiyə hökuməti ilə arasında olan problemləri nəzərdə tutaraq AKP iqtidarını “tiran” adlandırıb.

Bələdiyyə seçkisində böyük məğlubiyyətə uğrayan Gülən Türkiyə xalqına səslənib. O, xalqı oyanmağa dəvət edərək, üstüörtülü şəkildə yeni qurulan partiyaya dəstək vermələrini istəyib.

Qabil