ABŞ Senatında səsvermə: Ukraynaya yardım olacaq?

ABŞ Konqresinin yuxarı palatasındakı demokrat çoxluğun lideri Çak Şumer fevralın 7-də Senatda Ukrayna, İsrail və ABŞ-ın Asiyadakı müttəfiqlərinə yardım və yeni birgə düzəlişlərin mətni ilə bağlı sınaq səsverməsi keçirəcəyini açıqlayıb. Milli təhlükəsizlik paketləri ilə bağlı gələcək qanun layihəsi önümüzdəki günlərdə təqdim ediləcək.

Publika.az xəbər verir ki, bu barədə "Associated Press" məlumat yayıb.

Yalnız Meksika ilə sərhəddə miqrasiya böhranı həll edilərsə və qanunsuz miqrantlara qarşı müvafiq tədbirlər görülərsə, Ukrayna və İsrailə pul ayrılmasını dəstəkləməyə hazır olan Demokratlar və Respublikaçılar arasında konsensus tapmaq cəhdlərinə baxmayaraq, qanun layihəsinin gələcəyi hələ də sual altındadır. Şumer jurnalistlərə açıqlamasında "Cənub sərhədimizin təcili olaraq düzəldilməsinə ehtiyacı var" deyib.

Eyni zamanda, senator qanun layihəsinin yenilənmiş mətninin dərcindən sonra respublikaçıların yeni ikipartiyalı razılaşmanı dəstəkləyəcəyinə ümid etdiyini bildirib.

Cəmilə