Obama və Putinin rəsmi görüşü nəzərdə tutulmayıb, amma…

ABŞ prezidenti Barak Obamanın rusiyalı həmkarı Vladimir Putinlə Avstraliyada görüşü nəzərdə tutulmayıb.

Publika.az-ın xarici mətbuata istinadən verdiyi məlumata görə, bu barədə Ağ Evin Milli Təhlükəsizlik Şurasının nümayəndəsi Mark Strox bildirib.

Qeyd edək ki, Avstraliyanın Brisben şəhərində noyabrın 15-16-da "Böyük iyirmiliyin" (G-20) sammiti keçiriləcək. Daha əvvəl “Röyters” xəbər agentliyi ABŞ Dövlət Administrasiyasındakı mənbələrə istinadən xəbər vermişdi ki, Obamanın Avstraliyada G-20-nin sammitində, eləcə də Asiya-Sakit Okean İqtisadi Əməkdaşlığı (APEC) təşkilatına üzv ölkələrin liderlərinin noyabrın 10-da Pekində işə başlayacağı sammitdə Putinlə rəsmi görüşü planlaşdırmır. Amma siyasi kuluarlarda görüşün keçirilməsi istisna edilmir.

Agentliyin mənbəyi istisna etmir ki, iki dövlətin liderləri beynəlxalq sammitlərdə qeyri-formal söhbət edə bilərlər. “Böyük şans mövcuddur ki, onlar APEC sammitinin kuluarlarında qeyri-formal müzakirələr aparmaq üçün vaxtı tapsınlar”, - deyə mənbə qeyd edib.

Ömər Dağlı