Dünya

Nəsrullah Fuadın dəfnində hədələdi: Siz hələ bilmirsiniz ki...

2 Avqust 2024 13:40

Livanın "Hizbullah" qruplaşmasının rəhbəri Həsən Nəsrullah Fuad Şükrün dəfn mərasimində qisas almağa çağırıb.

Publika.az “The Guardian”a istinadən xəbər verir ki, o, deyib ki, İsmayıl Haniyənin ölümündən sonra İsraillə münaqişə yeni mərhələyə qədəm qoyub.

Nəsrullah hesab edir ki, İsrailin hərəkətləri Yaxın Şərqi regional müharibəyə sürükləmək təhlükəsi yaradır.

"Düşmən və düşmənin arxasında olanlar bizim qaçılmaz cavabımızı gözləməlidirlər... Siz hələ bilmirsiniz ki, bizim hansı qırmızı xətlərimizi keçibsiniz”, - deyə Nəsrullah İsrail və ABŞ-ı nəzərdə tutaraq vurğulayıb.

Qeyd edək ki, bundan əvvəl HƏMAS lideri Haniyənin İranın paytaxtı Tehranda atışmaların qurbanı olduğu bildirilirdi. Zərbə birbaşa onun iqamətgahına dəyib. Siyasi Büro rəhbərinin mühafizəçilərindən biri dünyasını dəyişib. Fələstin hərəkatının nümayəndələri Haniyənin ölümünü rəsmən təsdiqləyib və onun ölümündə İsraili ittiham ediblər.

Adəm Abbaslı