Dünya

Qanun layihəsi təsdiqləndi: Bu ölkədə sosial media qadağası qüvvəyə mindi

29 Noyabr 2024 14:54

Avstraliya Senatı Nümayəndələr Palatasında qəbul edilən və 16 yaşından kiçik uşaqların sosial mediaya girişini qadağan edən qanun layihəsini təsdiqləyib.

Publika.az xəbər verir ki, bu barədə Avstraliya Yayım Korporasiyası (ABC) məlumat verib.

Bildirilib ki, Avstraliya Senatı ilin son iclasında 19-a qarşı 34 səslə 16 yaşından kiçik uşaqların sosial mediaya girişini qadağan edən qanun layihəsini qəbul edib.

Dünyada bir ilk olan qanun layihəsi sosial media şirkətlərinə müvafiq tənzimləmələri etmək üçün verilən 12 aylıq müddətdən sonra qüvvəyə minəcək.

“Facebook”, “TikTok”, “Snapchat”, “Reddit”, “Instagram” və “X” daxil olmaqla qlobal sosial media platformaları qanuna əməl etmədikdə, təxminən 33 milyon dollara qədər cərimələnəcək.

Bəzi mesajlaşma xidmətləri, o cümlədən “WhatsApp”, “YouTube” video platforması və onlayn oyun saytları bu qanundan azad ola bilər.

Qaydalara əməl etməyən gənclər və valideynlər üçün heç bir cəza nəzərdə tutulmur.

Roza