MHP-dən CHP lideri Özgür Özelə sərt reaksiya - VİDEO

Cümhuriyyət Xalq Partiyası (CHP) ilə Milliyyətçi Hərəkat Partiyası (MHP) arasında gərginlik günü-gündən artır. Partiyasının qrup toplantısında Dövlət Baxçalının çıxışının yazıldığı kağızı cıran CHP lideri Özgür Özel MHP-dən cavab alıb.

Publika.az xəbər verir ki, CHP-nin Türkiyə Böyük Millət Məclisinin (TBMM) qrup toplantısında tarixə düşəcək anlar yaşanıb.

Belə ki, CHP sədri Özgür Özel Baxçalıya müraciət edib:

“Hörmətli Dövlət, nə vaxt və nə istəyirsənsə danışırsan. Ərdoğanın xeyrinə olan gündəmlər arxasınca getmək dövrü çoxdan geridə qalıb”.

Özelin bu addımına MHP-dən sərt reaksiya gəlib. MHP-nin baş katibi İsmet Büyükataman sosial media hesabında verdiyi açıqlamada bildirib ki, Özel Baxçalının ona qarşı haqlı tənqidlərinə cavab verməkdən yayınır:

“Özgür Özel TBMM kürsüsündə millət və demokratiyadan ümidini kəsdiyini nümayiş etdirir. Özelin deməyə sözü tükənib və əsl siması üzə çıxıb. Belə davam edərsə, Özel tezliklə siyasi çantasını yığacaq və ofis siyasətinə məhkum olacaq”.

Aysel Şahmar