Dünya

Bayden Anqolada da yatdı: Liderlərlə görüşdə - VİDEO

5 Dekabr 2024 11:08

ABŞ prezidenti Co Bayden Afrika liderləri ilə görüş zamanı gözlərini bir dəqiqədən çox yumaraq yuxuya gedib.

Publika.az xəbər verir ki, bu barədə “The Telegraph” məlumat yayıb.

82 yaşlı ABŞ prezidentinin Anqola prezidenti ilə Zambiya və Konqo Demokratik Respublikasından olan həmkarlarının iştirak etdiyi Anqola sammitində yorğunluğu müşahidə olunub. O, hətta boğuq səslə danışıb. Tanzaniyanın vitse-prezidenti Filip Mpanqonun çıxışı zamanı Bayden gözlərini yumub və əli ilə üzünü örtüb. Bundan başqa toplantıda hər kəs ingilis dilində danışsa da, Bayden tərcümə üçün istifadə edilən qulaqcıq taxıb.

Hadisə Baydenin 2021-ci ildə vəzifəyə gəldikdən sonra Afrikaya ilk ikitərəfli səfəri olan Anqolaya üç günlük səfərinin son günündə baş verib.

Bayden son bir il ərzində bir sıra beynəlxalq tədbirlərdə yuxuya getməkdə günahlandırılıb.

Adəm Abbaslı