Hava limanında görün nə aşkarlandı - FOTOLAR

Tailand polisi İstanbul hava limanında nəsli kəsilməkdə olan qorilla balasının qaçaqmalçılığında şübhəli bilinən şəxslə bağlı əməliyyat keçirib.

Publika.az xəbər verir ki, Nigeriyadan Banqkoka Türkiyə üzərindən göndərilmək üçün yola düşən qorilla balasının İstanbul hava limanında tapılmasından sonra Tailand polisi hərəkətə keçib.

Polis bu məqsədlə Nakhon Pathom əyalətində fermada axtarışlara başlayıb. Tayland Təbii Sərvətlər və Ətraf Mühit Cinayətləri Polis İdarəsinin rəisi Vatcharin Phusit verdiyi açıqlamada bildirib ki, fermada həyata keçirilən əməliyyat nəticəsində 22 fərqli növdən 284 heyvan tapılıb.

Fermada heyvan ticarətinin qanuni olub-olmaması ilə bağlı araşdırmalar aparılıb. Polis İstanbulda ələ keçirilən qorillanın olduğu bağlamanın sənədlərdə 50 dovşan daşıdığı kimi qeyd edildiyini bildirib.

Taylandın Milli Parklar, Vəhşi Təbiət və Bitki Mühafizəsi Departamentinin baş direktoru Atthaphon Charoenchansa açıqlama verib.

Baş direktor Taylanda göndərilməsi planlaşdırılan qorillanın buradan başqa bir ölkəyə qaçaq yolla aparılmasını müəyyən etdiklərini bildirib.

Nəsli kəsilməkdə olan qorilla növlərinin dəyərinin milyonlarla olduğu diqqətə çatdırılıb. Tayland polisinin hadisə ilə bağlı araşdırması davam edir.

Aysel Şahmar