Dünya
Başqa əlac qalmayıb: Ukraynalılar işğal zonasındakı evlərinə qayıdırlar
Ukraynada müharibə nəticəsində didərgin düşmüş minlərlə insan ölkədəki ağır həyat şəraiti səbəbindən könüllü olaraq Rusiyanın işğal etdiyi bölgələrdəki evlərinə qayıdır.
Publika.az xəbər verir ki, bu barədə “The Kyiv Independent” məlumat yayıb.
Bildirilib ki, Rusiyanın ölkənin enerji infrastrukturuna hücumu nəticəsində yaranan iqtisadi çətinliklər, mənzil çatışmazlığı və ağır həyat şəraiti səbəbiylə minlərlə ukraynalı işğal altındakı bölgələrdəki evlərinə qayıtmaq məcburiyyətindədir.
Hazırda Ukrayna daxilində didərgin düşmüş 3,5 milyon insan xüsusilə sığınacaq tapmaqda ciddi çətinliklərlə üzləşir. Birləşmiş Millətlər Təşkilatının ötən ilin noyabrında apardığı araşdırmaya görə, məcburi köçkünlərin 40 faizi əsas ehtiyaclarını ödəmək üçün dövlət və ya beynəlxalq təşkilatların humanitar yardımına güvənirlər.

2024-cü ilin avqust ayından sosial yardım alanların sayı təxminən 1 milyon olduğu halda, bir çox insan mənzil təminatından faydalana bilmir.
Yaşayış yerlərində və dolanışıqlarında çətinlik çəkən ukraynalıların tapdığı son həll yolu işğal altında olan evlərinə qayıtmaqdır. Lakin bu, bir çox ukraynalılar üçün özlüyündə çətin və riskli prosesdir.
Belə ki, işğal olunmuş ərazilərlə Ukraynanın qalan hissəsi arasında sərhəd nəzarəti olmadığı üçün köçkün düşmüş ukraynalılar yalnız üçüncü ölkə vasitəsilə Rusiyaya gedərək evlərinə qayıda bilərlər.

Bu isə ukraynalıların Moskvanın şimalındakı Şeremetyevo hava limanına gedərək orada təhlükəsizlik yoxlamalarından keçməsindən sonra mümkündür. Rusiya səlahiyyətliləri 2024-cü ilin yanvar-oktyabr dövründə bu qayda ilə ölkəyə 83 min ukraynalının daxil olduğunu açıqlayıb.
Rusiyanın təbliğat məqsədi ilə yüksək rəqəmlər verdiyi, Ukraynanın təqdim etdiyi məlumatların isə real rəqəmdən xeyli aşağı olduğu da qeyd edilir.
Roza Şəfiyeva
-
Cinayət dünyası09:36“Bossların bossu” öldü
-
Sosial09:33Əməkdar jurnalist vəfat etdi - FOTO
-
Dünya08:12Tailandda dəhşətli yanğın: 11 nəfər öldü, 40-a yaxın xəsarət alan var
-
İdman07:47Ronaldinyo 11 ildən sonra geri dönüb qol vurdu - Foto / Video
-
Region07:30Putin Rzayi ilə görün hansı məsələləri müzakirə edib - Səfir detalları açıqladı
-
Ekologiya07:17Bakıda yağış, rayonlarda isə qar yağacaq - HAVA PROQNOZU
-
Magazin206:46Ölən oğlunun evini 6 milyona satır
-
Art05:15Azərbaycan filmi Haaqa Beynəlxalq Film Festivalının qalibi oldu - FOTO




































