Fransa qorxu içində: Maskın ABŞ administrasiyasına daxil olması...

ABŞ-ın yeni seçilmiş prezidenti Donald Trampın andiçmə mərasimindən sonra "SpaceX"in yaradıcısı İlon Maskın Amerika administrasiyasına daxil olması Avropa İttifaqına (Aİ) üzv ölkələrdə kosmik sənayenin inkişafına təhlükə yarada bilər.

Publika.az xəbər verir ki, bu barədə Fransanın müdafiə naziri Sebastyan Lekornu “Europe 1” radiosunda xəbərdarlıq edib.

“Məncə, əsl risk "SpaceX"in və onun rəhbərinin Amerika administrasiyasına daxil olmasındadır. İlk dəfədir ki, şəxsi maraqlar praktiki olaraq ABŞ administrasiyasının yanında yer alacaq”, - deyə nazir qeyd edib.

Onun sözlərinə görə, indi Avropa dövlətləri Maskın Tramp administrasiyasına daxil olmasına necə reaksiya verəcəyini anlamalıdır. Səbəb odur ki, Aİ-yə üzv olan ölkələr indi öz suverenliklərini qorumaq və kosmosa çıxış məsələsi ilə üzləşiblər.

Qeyd edək ki, 2024-cü ilin noyabrında seçilmiş Amerika lideri inauqurasiyasından sonra sahibkarlar Elon Musk və Vivek Ramaswami-nin ABŞ Hökumətin Səmərəliliyi Departamentinə (DOGE) rəhbərlik edəcəklərini elan edib. Onların fəaliyyətinin əsas istiqamətləri dövlət orqanlarında bürokratiyadan və həddindən artıq tənzimləmədən xilas olmaq, həmçinin federal büdcə xərclərini azaltmaq olacaq.

Adəm Abbaslı