Yük qatarları toqquşdu, nazir müavini işdən çıxarıldı
Bizi izləyin
Aptekonline

Dünya

Yük qatarları toqquşdu, nazir müavini işdən çıxarıldı

Bolqarıstanın nəqliyyat və kommunikasiyalar nazirinin müavini Biser Minçev vəzifəsindən azad edilib.

Publika.az xəbər verir ki, bu barədə ölkənin texniki hökumətinin Baş naziri Dimitar Qlavçev dəmir yolu qəzasından sonra müvafiq qərar verib.

“Nazirlikdə dəmir yolu nəqliyyatına cavabdeh olan Minçev iki yük qatarının toqquşması ilə nəticələnən faciəvi hadisə ilə əlaqədar nəqliyyat və rabitə naziri Krasimir Stoyanovun təklifi ilə tutduğu vəzifədən azad edilib”, - məlumatda bildirilir.

Ölkə mətbuatı “Dəmiryol İnfrastrukturu” milli şirkətində də istefaların gözlənildiyini yazır.

Qeyd edək ki, 15 yanvar tarixində Sofiya şəhəri ətrafında, Kremikovtsi dəmir yolu stansiyası yaxınlığında iki yük qatarı toqquşub. Qəza nəticəsində 2 nəfər ölüb, 6 nəfər yaralanıb.

Oxumağa davam et
Reklam
Reklam

Gündəm

Aptekonline