Dünya

FİLM KİMİ OLAY: Ev pişiyi sahibini işindən məhrum etdi

20 Yanvar 2025 08:36

Çində bir pişik işəgötürənə məktub göndərərək sahibinin işini və illik mükafatını itirməsinə səbəb olub.

Publika.az xəbər verir ki, b barədə “South China Morning Post” məlumat yayıb.

Çongqingdən olan 25 yaşlı qadın yanvarın əvvəlində istefa məktubu yazıb, lakin doqquz pişiyi saxlamaq üçün pula ehtiyacı olduğu üçün göndərməyə cəsarət etməyib. Saxladığı ev heyvanlarından biri onun yerinə qərar verib: CCTV kamerası pişiyin stolun üstünə tullanaraq təsadüfən laptopunun düyməsinə basaraq müdirinə məktub göndərdiyi anı lentə alıb.

Qadın günahı pişiyinin üstünə ataraq vəziyyəti rəhbərinə izah etməyə çalışsa da, ona məhəl qoyulmayıb. Nəticədə o, bir çox şirkətlərin bu il yanvarın 29-na keçən gecə başlayan Bahar Festivalı öncəsi ödədiyi mükafatdan da məhrum olub.

Hüseyn İbadlı