Dünya

Slovakiyadan Polşaya irad: Ukrayna məsələsində aqressiv davranır

20 Yanvar 2025 12:20

Polşa hakimiyyəti Ukrayna məsələsində aqressiv siyasət yürüdür.

Publika.az xəbər verir ki, bu barədə yanvarın 20-də Slovakiya parlamentinin vitse-spikeri Tibor Qaşpar məlumat verib.

“Ukraynadakı münaqişə ilə bağlı fərqli baxışlar istisna olmaqla, aramızda heç bir ciddi ziddiyyət görmürəm. Polyaklar bununla bağlı daha aqressiv davranır və ukraynalılara yorulmadan hərbi yardım göstərirlər”, - deyə o, TASS-a müsahibəsində bildirib.

Qaşparın sözlərinə görə, Bratislava bu məsələyə fərqli yanaşır, lakin bu, çox güman ki, Slovakiya və Polşa arasında Avropa İttifaqında tərəfdaşlar üçün standart olan münasibətlərə ciddi ziyan vurmayacaq.

Respublika parlamentinin vitse-spikeri onu da xatırladıb ki, Çexiya, Slovakiya, Polşa və Macarıstan Vışeqrad qrupunun üzvləridir.

Adəm Abbaslı