Trampa ciddi xəbərdarlıq: Ukrayna ABŞ üçün "ikinci Vyetnam" olacaq

ABŞ-ın yeni seçilmiş prezidenti Donald Tramp Ukraynanı "ikinci Vyetnam"a çevirməklə münaqişəni daha da pisləşdirə bilər.

Publika.az xəbər verir ki, bu fikri Trampın keçmiş baş strateqi Stiv Bannon "Politico"ya deyib.

Bannon Ukraynaya ABŞ-dan “kritik hərbi yardımı” kəsmək üçün hazırlıqlardan danışıb, lakin onun keçmiş rəhbərinin ABŞ müdafiə sənayesi alyansının “tələyə düşəcəyindən” qorxur. Bura yeni Amerika liderinin Ukrayna və Rusiya üzrə xüsusi elçi vəzifəsini seçdiyi istefada olan amerikalı general Kit Kelloq da daxildir.

“Ehtiyatlı olmasaq, bu, Trampın "Vyetnamı"na çevriləcək. Riçard Niksonun başına gələn də məhz budur. "O, müharibənin sahibi oldu və bu, Lindon Consonun deyil, onun müharibəsi kimi tarixə düşdü", - deyə Bannon bildirib.

Kelloq iddia edir ki, münaqişəni sona çatdırmaq üçün istənilən saziş Kiyev üçün təhlükəsizlik təminatlarını ehtiva etməlidir. O, həmçinin Moskvaya təzyiq göstərmək üçün Vaşinqtonun hərbi yardımının saxlanmasının vacibliyini bəyan edib.

Bannon hesab edir ki, belə bir gecikmə Vaşinqtonun ABŞ-ın milli maraqlarına xidmət etməyən Ukrayna münaqişəsinə daha da cəlb olunma riskini artıracaq.

Adəm Abbaslı