Netanyahu rəsmən imtina etdi: Bundan sonra iştirak etməyəcək

İsrailin baş naziri Benyamin Netanyahu ona qarşı açılan məhkəmə proseslərində iştirak etməmək qərarına gəlib.

Publika.az xəbər verir ki, bu barədə İsrailin “Yediot Aharonot” qəzeti yazıb.

Məlumata görə, ona qarşı korrupsiya işində ifadə verməli olan Netanyahu “təhlükəsizlik səbəbindən” dinləmələrdə iştirak etməyəcək.

Həmçinin Netanyahunun hakimlərdən vəzifə və təhlükəsizlik səbəbi ilə həftədə 3 dəfə verəcəyi ifadələrin iki günə endirilməsini xahiş etdiyi, lakin bunun nəticəsi barədə məlumat olmadığı qeyd edilib.

O, əməliyyat keçirtmək, Suriyanın işğal olunmuş ərazisi olan Hermon dağına getmək və ABŞ-a səfər kimi müxtəlif səbəblərdən əvvəlki bir çox dinləmələrə qatılmayıb.

Qeyd edək ki, 2019-cu ildə Netanyahu "rüşvətxorluq, etibara xəyanət və şəxsi məqsədlər üçün vəzifə səlahiyyətlərindən sui-istifadə" maddələri ilə ittiham olunub və ona qarşı üç ayrı korrupsiya işinin açılması istənilib. Bununla da o, vəzifədə olarkən mühakimə olunan ilk İsrail baş naziri kimi tarixə düşüb.

Roza