Dünya
“Ərəb xəmiri“ niyə çox qan apardı?
"Hesab etməyin ki, inqilabların hansı yolla gerçəkləşəcəyini ABŞ seçir". Bu fikri Avroatlantik Şuranın sədri Sülhəddin Əkbər islam və xristian ölkələrində gerçəkləşən inqilablar arasında qan və can fərqlərinin olmasının səbəblərini şərh edərkən deyib.
Onun sözlərinə görə, ərəb ölkələrindəki hakimiyyət dəyişikliyindən
sonra xristianların islam aləminə hücum etməsi barədə formalaşan
fikirlər əsaslı deyil: "İslam ölkələri ilə yanaşı bir neçə xristian
dövlətində də inqilab yolu ilə hakimiyyət dəyişdi. Xristian
ölkələri ilə müqayisədə Misir, Liviya, Tunis və Yəməndəki
inqilablar qanlı toqquşmalar və insan tələfatları ilə yadda qaldı.
Amma hesab etmirəm ki, bu Birləşmiş Ştatlar və müttəfiq ölkələrin
əvvəldən yazdığı ssenarinin nəticəsidir".
Gürcüstan və Ukraynadakı inqilabları Liviya və Misirdəki anoloji
olaylarla tutuşduran Sülhəddin Əkbərin fikrincə, hər iki postsovet
ölkənin əhalisi intellekt və düşüncə baxımından ərəbləri
qabaqlayır. Bu dövlətlərin Avropaya yaxın yerləşmələri də
vətəndaşlarının daha demokratik fikirli olmalarına təsir edib.
Sadalananların həmin ölkələrdəki inqilabların qansız, dinc yolla
həllini tapmasına kömək etdiyini deyən Avroatlantik Şuranın sədri
hesab edir ki, əsas fərq insanların düşüncə tərzi ilə bağlıdır:
"Gürcüstan və Ukraynadakı inqilablar çox ağıllı şəkildə təşkil
olunmuşdu. Hiss olunurdu ki, insanlar kortəbii yox, düşünülmüş
addımlar atırlar. İnqilabları edənlərin əksəriyyəti Avropada təhsil
almış və demokratik fikirli insanlar idi. Ona görə də qısa zaman
kəsiyində istəklərinə nail oldular. Amma Liviya və Misirdəki
inqilablar barədə eyni sözləri demək olmaz. Çünki o proseslər
yüksək təhsili olmayan, dar düşüncə tərzinə malik şəxslər
tərəfindən aparılırdı. İnqilab zamanı bu qədər insan itkisinin əsas
səbəbi də məhz elə bunlardır".
Diqqəti Suriyadakı proseslərə çəkən Sülhəddin Əkbər ABŞ faktoruna
toxunaraq rəsmi Vaşinqtonun Bəşər Əsədi qanla dəyişməyin tərəfdarı
olmadığını bildirib və Yəməni misal çəkib: "Suriyadakı proseslərin
bu dərəcədə uzanması, insanların düzgün istiqamət götürməməsi və
intellekt baxımından hələ də Gürcüstan və Ukrayna kimi dövlətlərdən
geridə qalmasını göstərir. Bunu xristianların müsəlman ölkələrini
qarışdırmaq niyyətində olması kimi şərh etmək düzgün deyil. Əgər
rəsmi Vaşinqtonun belə niyyəti olsaydı, Yəmənə də qarışdırardı.
Amma Yəməndəki proseslər o qədər də uzun çəkmədi. Əli Salehi
postunu təhvil verdi. Hesab edirəm ki, Suriyadakı müxalifət
xaricdən dəstək gözləməməlidir. Əks təqdirdə proses daha da uzana
bilər".
Elmir Murad
Publika.Az
-
Region18:50
Rusiya XİN-dən İrəvana qulaqburma
-
Rəsmi xronika18:32
Rumen Radev İlham Əliyevə zəng etdi
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO