ABŞ generalı açıqladı: Ukrayna F-16-sı Rusiya qırıcısını hava döyüşündə məhv edib

ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Den Keyn Ukraynaya məxsus F-16 təyyarəsinin ilk dəfə hava döyüşündə Rusiya qırıcı təyyarəsini vurduğunu bildirib.

Publika.az bu barədə Vaşinqtonda Senatın Təxsisatlar Komitəsi qarşısında keçirilən dinləmədə məlumat verib.

Qeyd olunur ki, dinləmə zamanı ABŞ-ın yüksək vəzifəli senatoru və Demokrat Partiyasının üzvü Riçard Durbin hava hücumundan müdafiə maliyyələşdirməsinin üç illik dayandırılmasının Ukraynaya hansı təsir göstərəcəyini soruşub.

Cavabında Keyn Ukraynanın müdafiə qabiliyyətinin inkişafından danışıb.

"Cənab senator, vurğulamaq istəyirəm ki, Ukrayna sənaye bazasının gördüyü inanılmaz iş öz imkanlarını genişləndirməkdir. Bu, onların “yer-hava” imkanlarından tutmuş “hava-hava” imkanlarına qədər dəyişir".

Keyn, Ukrayna F-16 təyyarəsinin Rusiya təyyarəsini məhv etdiyi hava döyüşü barədə də danışıb:

“Bu yaxınlarda Ukraynanın F-16 təyyarəsinin Rusiya qırıcı təyyarəsini vurduğu ilk hava döyüşünün şahidi olduq. Son bir neçə ildə bir çox tərəfdaşın dəstəyi sayəsində Ukrayna çoxqatlı müdafiə sistemini əhəmiyyətli dərəcədə gücləndirib".

O, həmçinin vurğulayıb ki, Ukraynanın çoxqatlı müdafiəsini genişləndirmək qabiliyyəti son bir neçə ildə tərəfdaşlarının dəstəyi sayəsində əhəmiyyətli dərəcədə artıb.

"Ona görə də düşünürəm ki, son bir neçə ildə çoxsaylı insanların köməyi sayəsində çoxqatlı müdafiəni genişləndirmək qabiliyyəti inkişaf edib".

Müəllif: Tural