Rubio: Aviabaza yaxınlığındakı hadisədə “xarici müdaxilə” var

ABŞ dövlət katibi Marko Rubio Böyük Britaniyada ABŞ hərbçilərinin istifadə etdiyi Feyrford aviabazası yaxınlığında baş verən insidentdə “xarici müdaxilə” izlərinin olduğunu bildirib.

Publika.az xəbər verir ki, Rubio bu barədə “Fox News”a müsahibəsində bildirib.

O, hadisənin ciddi olduğunu və araşdırmada Böyük Britaniyanın ABŞ-la əməkdaşlıq etdiyini deyib. Bildirib ki, yaxın günlərdə insidentlə bağlı daha çox məlumat açıqlanacaq.

Sentyabrın 27-də aviabazanın yaxınlığındakı Uelford ərazisində fövqəladə vəziyyət rejimi elan edilib. Polis araşdırmaya başlayıb, partlayıcı qurğuların zərərsizləşdirilməsi üzrə mütəxəssislər bir neçə avtomobili yoxlayıb.

Daha sonra partlayıcı maddələrlə əlaqəli cinayətlərdə şübhəli bilinən 5 kişi saxlanılıb. ABŞ prezidenti Donald Tramp onların ABŞ-ın limanlarından birinə ciddi ziyan vurmaq niyyətində olduğunu bildirib. Trampın sözlərinə görə, saxlanılan şəxslər bundan əvvəl də ABŞ xüsusi xidmət orqanlarının diqqətində olublar.

Müəllif: Adəm