Bayden ailəsi İrlandiyada "süd duşu" qəbul etdi: Etirazçıların hücumu
Bizi izləyin

Dünya

Bayden ailəsi İrlandiyada "süd duşu" qəbul etdi: Etirazçıların hücumu

Bayden ailəsi İrlandiyada "süd duşu" qəbul etdi: Etirazçıların hücumu

ABŞ-ın keçmiş prezidenti Co Bayden, həyat yoldaşı Cil və oğlu Hanter İrlandiyaya səfəri zamanı etirazçılar tərəfindən süd paketləri və digər əşyalarla hədəfə alınıb.

Publika.az xəbər verir ki, bu barədə “The Telegraph” qəzeti məlumat yayıb.

Hadisə noyabrın 10-da Baydenin Dublindəki Triniti Kollecinə səfəri zamanı baş verib. O, oğlu Hanter Baydenə kollecin Tarix Cəmiyyətinin ictimai müzakirəyə verdiyi töhfəyə görə qızıl medal təqdim edilməsi mərasimində iştirak edib.

Fələstinə dəstək verən etirazçılar təhsil müəssisəsinin qarşısına toplaşaraq Bayden və ailə üzvlərinə süd paketləri, eləcə də müxtəlif əşyalar atıblar. Aksiya zamanı “Əlləriniz qana batıb”, “Sizə ayıb olsun” və “Soyqırımçı Co” şüarları səsləndirilib.

Təhlükəsizlik əməkdaşları Bayden və ailəsini çətirlərlə qoruyaraq avtomobilə mindiriblər. Hadisə yerində olan hüquq-mühafizə orqanlarının əməkdaşları isə etirazçılardan azı ikisinə bibər qazı tətbiq edərək onları saxlayıblar.

Müəllif: Adəm

Oxumağa davam et
Reklam
Reklam

Gündəm

Zəfaran Hospital
Səba