Dünya

İŞİD peşmərgə silahlılarını qəfəsə saldı - VİDEO

23 Fevral 2015 02:14

İŞİD İraq kürd regional rəhbərliyinin başçısı Məsud Bərzaninin təhdidinə cavab olaraq peşmərgələrin yer aldığı yeni bir video yayımlayıb.

Publika.az xarici mediaya istinadən xəbər verir ki, görüntülərdə qəfəslərə salınan peşmərgələrin narıncı paltar geyindiyi görünür.

Peşmərgələr videonun sonunda isə diz çökdürülmüş halda yan-yana dayanıblar. İŞİD tərəfindən yayılan əvvəlki videoda da girov götürülən peşmərgələr qəfəslərin içində idi.

Videoda danışan bir İŞİD üzvü “Savaşımız kürd mənşəli müsəlman xalqa deyil, kafirlər və onların xain agentlərinə qarşıdır” deyir. İŞİD-in əlindəki peşmərgələrin sayı dəqiq məlum deyil.

Xatırladaq ki, Məsud Bərzani girov peşmərgələrin öldürüləcəyi halda bunun cəzasının çox ağır olacağını bildirib.

Ömər Dağlı