Kənan Evrən vəfat etdi – FOTOLAR

Türkiyənin 7-ci prezidenti, Silahlı Qüvvələrin təqaüddə olan məşhur generalı Kənan Evrənin ölüm xəbəri yayılıb.

Publika.az-ın Türkiyə mediasına istinadən yaydığı məlumata görə, K.Evrənin vəziyyəti ilə bağlı rəsmi şəxslər və həkimlər açıqlama verməkdən imtina edir.

Türkiyənin “Milliyyət” qəzetinin əməkdaşı Türker Karapınar isə Kənan Evrənin Ankarada vəfat etdiyini yazıb.

Xatırladaq ki, Kənan Evrən Türkiyə Respublikasının 7-ci prezidenti və 17-ci Baş Qərargah rəisi, Osmanlı İmperiyasında doğulmuş sonuncu prezidenti kimi tarixə düşüb.

O, 1980-ci il 12 sentyabr hərbi çevrilişi yolu ilə hakimiyyətə gəlib, 1982-ci ildə yeni konstitusiyanın qəbul edilməsindən sonra rəsmi olaraq prezident seçilib, 30 avqust 1964 tarixində general, 30 avqust 1974 tarixində isə Ordu generalı rütbələrinə layiq görülüb, 7 mart 1978-ci ildə isə Baş qərargah rəisi olub.

K.Evrən Türk Silahlı Qüvvələrinin 12 sentyabr 1980-ci ildə hakimiyyətə əl qoymasında sonra Milli Təhlükəsizlik Şurası və dövlət başçılığı vəzifələrini daşıyıb.

O, 7 noyabr 1982-ci il tarixində referendum yolu ilə həm konstitusiya qəbul edilib, həm də prezident seçilib.

Vasif Həsənli