Jurnalisti söyən qubernatora töhmət verildi
Bizi izləyin

Dünya

Jurnalisti söyən qubernatora töhmət verildi

Ukrayna prezidenti Pyotr Poroşenko jurnalisti söyüş söyməklə təhqir etmiş Dnepropetrovsk qubernatory İgor Kolomoyskiyə töhmət verib.

Publika.az-ın məlumatına görə, prezidentin saytında bu barədə dərc olunmuş sərəncamda deyilir ki, töhmət Kolomoyskinin “dövlət qulluqçusuna yaraşmayan hərəkəti”nə görə elan edilib.

Xəbər verildiyi kimi milyarder Kolomoyski “Transnaft” şirkətinin rəhbərliyinin dəyişdirilməsinə etirazını bildirmək üçün martın 20-də silahlı şəxslərlə birlikdə 42 faiz paya malik olduğu şirkətin ofisinə gəlib.

Bu zaman “AzadlıqRadiosu” jurnalistinin sualını cavablandırarkən oliqarx onun ünvanına təhqiramiz ifadələr işlədib.

Bu hadisənin videosu YouTube saytında yerləşdirilib.

Ukraynanın İnformasiya Nazirliyi, parlamentin söz azadlığı komitəsi və media qurumları Kolomoyskidən jurnalistdən üzr istəməsini tələb ediblər.

Oxumağa davam et
Reklam
Reklam

Gündəm