Şiə qiyamçıları Yəmənin ən böyük bazasını ələ keçirdi
Bizi izləyin
Kanon

Dünya

Şiə qiyamçıları Yəmənin ən böyük bazasını ələ keçirdi

Yəmənin şiə Husi - Ənsarullah təşkilatının silahlıları ölkənin ən böyük hava bazası olan Əl - Aned bazasını ələ keçirib.

Publika.az xarici mediaya istinadən xəbər verir ki, qiyamçılar həmçinin prezident Abdurrabi Mənsur Hadinin müvəqqəti paytaxt elan etdiyi Adenin 60 kilometrliyində yerləşən Lahic şəhərini tutub.

Məlumata görə, bazanın müdafiəsi üçün heç bir müqavimət göstərilməyib. Prezident Hadinin Yəməndən qaçdığı iddia edilsə də, onun məsləhətçiləri dövlət başçısının Yəməndə olduğunu və heç bir yerə getməyəcəyini söyləyiblər.

Yerli qaynaqlarin məlumatına görə, Husilər Lahic şəhərini keçmiş prezident Əli Abdullah Salehin tərəfdarlarının dəstəyi ilə ələ keçirib.

Qeyd edək ki, daha əvvəl yayılan xəbərdə Husi silahlılarının Yəmənin müdafiə naziri Mahmud es - Subeyhi və Lahic şəhərinin briqada komandiri general Faysal Rəcəbi oğurladığı bildirilib.

Ömər Dağlı

Oxumağa davam et
Reklam
Reklam

Gündəm

Kanon