Dünya

İsrailli silah tacirləri İrana silah satıb – İDDİA

6 Aprel 2015 19:00

İranın nüvə proqramı ilə əlaqədar Tehran və “5+1” arasında əldə olunan çərçivə razılaşmasından bir neçə gün sonra ortaya şok iddia atılıb.

Publika.az xarici mediaya istinadən xəbər verir ki, ABŞ-da 11 sentyabr terror aktından sonra qurulan "Homeland Security" daxili təhlükəsizlik təşkilatı İsrailin silah tacirlərinin İrana gizli şəkildə silah satdığını bildirib.

Təşkilatın əldə etdiyi məlumata görə, İsrail 2012-ci ildən bu yana reaktiv təyyarələrin hissələri də daxil olmaqla İrana bir sıra silah növləri satıb. İsrailli silah tacirlərinin İranla gizli silah ticarətindən ilk olaraq yunanlar vasitəsilə xəbər tutduğu bildirilir. Yunanıstan bu barədə Vaşinqtona məlumat verəndən sonra Federal Tədqiqat Bürosu və "Homeland Security" hadisəni araşdırmağa başlayıb.

Ömər Dağlı