Dünya
Moskvanın bir düşmənini digəri əvəz edir
Dünən Polşada prezident seçkilərinin ikinci turu keçirilib.
Publika.az xarici mediaya istinadən xəbər verir ki, hazırkı prezident Bronislav Komorovski ilə Hüquq və Ədalət Partiyasının lideri Andrzej Dudanın yarışdığı seçkilərdə müxalifət lideri öndədir.
İlkin məlumatlara əsasən, seçicilərin 53 faizi Andrzej Dudaya səs verib. Prezident Bronislav Komorovski məğlubiyyətini qəbul edib. Hələ seçkilərin ilk turunun nəticələrindən sonra hazırkı prezidentin qələbə qazanacağına çoxları şübhə edirdi. Seçkilərin ilk turunda Duda 34,8 faiz səs alaraq 32,2 faiz səs qazanan hazırkı prezident Komorovskini geridə qoymuşdu.
Ekspertlərin fikrincə, seçkilərdə kimin qələbə qazanacağından asılı olmayaraq, Moskva və Varşava arasında münasibətlərdə gərginlik qalacaq. Hazırkı prezident Bronislav Komorovski Moskvanın ünvanına dəfələrlə son dərəcə sərt bəyanatlar səsləndirib. Eyni zamanda Andrzej Duda da ritorikanın yumşaltmağa meylli görünmür. 2015-ci ilin yanvarında Duda bildirib ki, Polşa Ukraynaya hərbi yardımın göstərilməsi və bu ölkəyə polşalı hərbçilərinin göndərilməsi məsələsinə ciddi baxmalıdır. O, bu ay TVN telekanalına müsahibəsində Ukraynada vəziyyət sabitləşənə kimi Moskvaya səfər etməyəcəyini qeyd edib.
“Mən Putinə zəng vurardım, əgər mənim zəngim Ukraynada müharibəni dayandıra bilsəydi”, - Duda vurğulayıb.
Seçkilərin rəsmi nəticələri bu gün dərc ediləcək.
Ömər Dağlı
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!
-
Hadisə24 Aprel 21:49
Vətən müharibəsi iştirakçısı anasının xəstəliyini eşidib intihar etdi