Dünya

Kosmosda qorxulu kəşf: milyardlarla günəş udula bilər

8 İyul 2015 12:57

Kosmosda daha əvvəllər qaz və toz buludu olduğu hesab edilən bölgədə milyardlarla günəşi uda biləcək böyüklükdə 5 nəhəng qara dəlik aşkar edilib.

Publika.az xarici mediaya istinadən xəbər verir ki, astronomların “çox böyük və qorxulu” adlandırdıqları 5 qara dəlik Amerika Milli Kosmik Agentliyininin (NASA) Nüvə Spektroskopik (NUSTAR) kosmik teleskopu tərəfindən aşkarlanıb.

Teleskop göy cisimlərinin yerini qara dəliklərdən gələn yüksək x-ray enerjisi ilə təyin edib. Hansı məsafədə olduğu hələ aydın olmayan qara dəliklər qalın toz və qaz təbəqəsinin arxasında olduğu üçün digər teleskoplar tərəfindən aşkarlanmayıb.

Araşdırmalara görə, “böyük kütləli qara dəlik” adlandırılan bu göy cisimlərinin böyük kütləsi ətrafındakı qazı, ulduzu, planeti və işığı çəkərək udmasına imkan verir. Qara dəliklərin mərkəzində nə olduğu hələ məlum deyil.

Ömər Dağlı