Ekologiya

Havanın çirklənməməsi üçün UNİKAL ÜSUL - ŞAQULİ MEŞƏLƏR

8 Fevral 2017 06:30

23 növdə 2500 koldan və 1100 ağacdan istifadə ediləcək.

Havanın çirklənməsinin çox yüksək səviyyədə olduğu Çin bu vəziyyətə qarşı maraqlı bir layihəni həyata keçirməyə hazırlaşır. Belə ki, Çində havanın çirklənməsinə qarşı mübarizə məqsədilə böyük həcmdə oksigen istehsal edən meşəyə bənzəyən, hündür qüllələr inşa olunacaq.

Publika.az Türkiyənin “NTV” telekanalına istinadən xəbər verir ki, Çinin Nanjing şəhərində inşası planlaşdırılan, “Nanjing qüllələri” adlanan iki yüz və yüz metrlik iki qüllənin inşasında 23 növdə 2500 koldan və 1100 ağacdan istifadə ediləcək.

“Nanjing qüllələri” dünyada üçüncü, Asiyada isə ilk şaquli meşə olaraq tarixə düşəcək. Belə ki, oxşar qüllələr bundan əvvəl İtaliyanın Milan, İsveçrənin isə Lozanna şəhərində tikilib.