Ekologiya
Qalada sərgi keçirildi: Ətraf Mühit Günü ilə əlaqədar - FOTOLAR
Qala Dövlət Tarix-Etnoqrafiya muzeyində Ümumdünya Ətraf Mühit Günü ilə əlaqədar tədbir keçirilib.
Publika.az xəbər verir ki, tədbirdə ekologiya və təbii sərvətlər naziri Hüseyn Bağırov, BMT Rezident Əlaqələndiricisi və BMTİP Rezident nümayəndəsi Qulam İshaqzai, dövlət rəsmiləri, ictimaiyyət nümayəndələri iştirak edib.
Tədbirdə Birləşmiş Millətlər Təşkilatı İnkişaf Proqramının Azərbaycan Nümayəndəliyinin dəstəyi ilə 7-10 yaşlı uşaqlar arasında rəsm müsabiqəsi üçün çəkilmiş şəkillərdən ibarət sərgi nümayiş olunub. Sərgiyə uşaqlar tərəfindən ümumilikdə120 şəkil göndərilib, onlardan 12-si mükafatlandırılıb.
Müsabiqənin mövzusu "Ətraf mühit və insan sağlamlığına məişət tullantılarının mənfi təsirlərini azaldaq" olub. Müsabiqə uşaqlara, müəllimlərə və valideynlərə məsuliyyətsiz istehsal və istehlakın təbiət və insan sağlamlığına mənfi təsirlərini daha dərindən anlatmaq məqsədi ilə təşkil edilib.
Müsabiqənin qaliblərini mükafatlandıran BMT Rezident Əlaqələndiricisi və BMTİP Rezident nümayəndəsi Q.İshaqzai planetimizin qorunmasında gənclərin böyük potensialı və mühüm rolunun olduğunu vurğulayıb:
"Uşaqlar təbii olaraq ətraf mühiti qorumağa meyillidir. Onlar ağac əkmək, təmizlik işləri aparmaq, heyvanların qayğısına qalmaq üçün öz səylərini və vaxtlarını sərf etməyə həmişə hazırdırlar. Hər kəs təbiəti qorumaq üçün töhfə verməlidir. Hər birimiz digərlərinə ətraf mühitə qayğı ilə yanaşmağı öyrədə bilərik".
Daha sonra çıxış edən ekologiya və təbii sərvətlər naziri Hüseyn Bağırov təbiəti qorumağa uşaq yaşlarından başlamaq lazım olduğunu deyib:
"İmkan verməyək bizim təbiətimiz yox olsun. Rəsmlərə baxdım, hesab edirəm ki, işləriniz çox uğurludur. Sizin təkidli mübarizəniz nəticəsində gələcəkdə də təbiətin mühafizəsi istiqamətində müsbət işlər görüləcək".
Nazir ölkəmizdə təbiətin mühafizəsinə diqqətdən danışıb. Lakin bəzi problemlərin də olduğunu vurğulayıb:
"Şirvan şirlər diyarı kimi tanınıb. Əfsus ki, bu gün orada bir dənə də şir yoxdur. Ölkəmizdə pələng 1967-ci ildən yox olub. Biz təbiəti birlikdə qorumalıyıq".
Qeyd edək ki, ətraf mühit problemləri haqqında maarifləndirməni və təbiətin qorunması üçün fəaliyyəti təşviq etmək məqsədi ilə iyunun 5-i Ümumdünya Ətraf Mühit Ggünü kimi qeyd olunur. Bu il günün mövzusu "insanlarla təbiəti qovuşduraq" adlanır.
BMT Azərbaycan nümayəndəliyi Ekologiya və Təbii Sərvətlər Nazirliyi və İDEA İctimai Birliyi ilə birgə bu günün qeyd edilməsi üçün təşəbbüs göstərib.
Gülxar
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI