Milli Geoloji Kəşfiyyat Xidmətinin rəisi Bayıldakı sürüşmənin səbəblərini açıqladı
Bizi izləyin

Ekologiya

Milli Geoloji Kəşfiyyat Xidmətinin rəisi Bayıldakı sürüşmənin səbəblərini açıqladı

Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəisi Şahmirzə Səfərov Bayılda baş verən hadisə ilə bağlı müsahibə verib.

Publika.az qısa müsahibəni təqdim edir.

- Bayıl ərazisində baş verən çökmə hadisəsinin səbəbləri nədir?

- Səbail rayonu, Bayıl yaşayış sahəsi, Buxta küçəsində çökmə hadisəsi təbii amillər səbəbindən deyil, məhz texnogen amillər nəticəsində baş verib. Ərazi yüksək mailli yamacda yerləşir, yamacın təbii meyilliyi 35-40 dərəcədir. Həmin yamac pilləli şəkildə kəsilib, tökmə torpaq üzərində pərakəndə şəkildə evlər tikilib. Nəticədə də yamac yüklənib, dayanıqlığı zəifləyib, kommunikasiya xətlərindən sular sızıb, torpaq qatının yuyulması prosesi gedib və bu səbəbdən aşınma və çökmə hadisəsi baş verib. Ümumiyyətlə bu ərazi sürüşmə, uçqun, yuyulma və çökmə kimi ekzogen proseslərin təsirinə məruz qalan bir sahə hesab olunur.

- Hazırda ərazidə hansı işlər görülür?

- Ekologiya və Təbii Sərvətlər Nazirliyinin mütəxəssisləri müvafiq qurumlarla birgə ərazidə tədqiqat işləri aparır və təhlükəli sahənin sərhədləri müəyyənləşdirilir.

Oxumağa davam et
Reklam
Reklam

Gündəm