İnəyi avtomobilin arxasına bağlayıb sürüyən şəxs cəzalandırıldı - - VİDEO
Bizi izləyin

Ekologiya

İnəyi avtomobilin arxasına bağlayıb sürüyən şəxs cəzalandırıldı - - VİDEO

Ev heyvanı ilə rəhmsiz rəftar edən şəxs barəsində artıq tədbir görülüb.

Bu barədə Publika.az-a Ekologiya və Təbii Sərvətlər Nazirliyinin mətbuat xidmətindən məlumat verilib.

Məlumatda bildirilir ki, sosial şəbəkədə küçədə iribuynuzlu heyvanın xırda tutumlu yük maşınının arxasına bağlanaraq sürüdülməsi ilə bağlı yayılan videoyla əlaqədar qanunpozucusu İnzibati Xətalar Məcəlləsinin 274-cü maddəsinə (Heyvanlarla rəhmsiz rəftar edilməsi) əsasən cərimə oluna bilər.

Sözügedən hadisə ilə bağlı artıq Baş Dövlət Yol Polisi İdarəsi tərəfindən 10-LO-913 dövlət nömrə nişanlı “Qazel” markalı maşının sürücüsü barəsində qanunamüvafiq tədbir görülüb. Belə ki, o, İnzibati Xətalar Məcəlləsinin 290.1.2.-ev heyvanlarının nəqliyyat vasitələri ilə aparılması şərtlərinin pozulmasına görə, 200 manat məbləğində cərimə edilib.

Qeyd edək ki, qanunamüvafiq qaydada inzibati işə bir qurum tərəfindən baxılıb qərar çıxarıla bilər, bu halda isə qanunpozucusu barəsində Baş Dövlət Yol Polisi İdarəsi tərəfindən inzibati tədbir görülüb.

ETSN vətəndaşları istər vəhşi heyvanlarla, istərsə də ev heyvanlarıyla qanunvericiliyin tələblərinə uyğun davranmağa, onlarla mərhəmətli olmağa və zorakılığa yol verməməyə çağırır.

Oxumağa davam et
Reklam
Reklam

Gündəm