Ekologiya
Enerji Alternativlərinin Uzunməqsədli Planlaşdırılması Sistemi üzrə treninq keçirilir
Ekologiya və Təbii Sərvətlər Nazirliyinin təşkilatçılığı və BMT İnkişaf Proqramının dəstəyi ilə Milli Hidrometeorologiya Departamentinin mütəxəssislərinə Enerji Alternativlərinin Uzunməqsədli Planlaşdırılması Sistemi (LEAP) üzrə treninq keçirilir.
Ekologiya və Təbii Sərvətlər Nazirliyinin mətbuat xidmətindən Publika.az-a verilən məlumata görə, Azərbaycanda ilk dəfə tətbiq olunacaq LEAP proqram təminatı sistemi üzrə treninq sözügedən təşkilatın eksperti Taylor Binnington tərəfindən keçirilir və 5 gün davam edəcək. Stokholm Ətraf Mühit İnstitutu tərəfindən hazırlanmış proqram təminatı sistemi olan LEAP modelinin əsas funksiyası iqlim dəyişmələrinin təsirinin azaldılmasının qiymətləndirilməsi və enerji siyasətinin təhlilindən ibarətdir.
LEAP hazırda istilik effekti yaradan qazların təsirlərinin azaldılmasının qiymətləndirilməsini və enerji resurslarının inteqrə olunmuş planlaşdırılmasını, həmçinin Aşağı Emissiya İnkişafı Strategiyalarını (LEDS) həyata keçirən bir çox dövlətlərin, xüsusən də inkişaf etməkdə olan ölkələrin istifadə etdikləri effektiv proqram təminatıdır və xeyli müddətdir ki, dünyada ekologiya və energetika üzrə ixtisaslaşmış təşkilatlar tərəfindən istifadə olunur.
Qeyd edək ki, ETSN-də ekologiyanın müxtəlif sahələri üzrə kadr potensialının gücləndirilməsi, beynəlxalq təcrübənin tətbiq edilməsi istiqamətində fəaliyyət davam etdirilir.
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!