Dolu və külək bu rayonda təsərrüfata ziyan vurdu
Bizi izləyin

Ekologiya

Dolu və külək bu rayonda təsərrüfata ziyan vurdu

Bu gün Daşkəsən rayonuna küləklə müşahidə olunan leysan yağış və dolu yağıb.

Publika.az "Report"a istinadən xəbər verir ki, dolu meyvə ağaclarına və əkin sahələrinə zərər vurub.

Rayonun Xoşbulaq kəndində orta məktəb binasının dam örtüyünü külək dağıdıb. Elektrik enerjisinin verilməsində fasilələr yaranıb.

Daşkəsən rayon İcra Hakimiyyətindən "Report"un Qərb Mərkəzinə verilən məlumata görə, yağış və dolu ilə müşayiət olunan güclü külək nəticəsində rayonunun yol, elektrik və rabitə təsərrüfatına, əkin sahələrinə xeyli ziyan dəyib. Küləyin təsirindən çoxlu sayda ağac aşıb. Dəymiş ziyanın həcminin müəyyənləşdirilməsi üzrə işlər aparılır, daxili imkanlar hesabına bərpa işlərinə başlanılıb və ardıcıl müvafiq tədbirlər görülür.

Oxumağa davam et
Reklam
Reklam

Gündəm