Ekologiya

Temperatur kəskin enir, intensiv yağış, qar gəlir - XƏBƏRDARLIQ

22 Noyabr 2021 18:06

Noyabrın 24-ü Bakıda və Abşeron yarımadasında günün ikinci yarısından 25-i gündüzədək şimal-qərb küləyinin 15-20 m/s, arabir 23-25 m/s, yarımadanın bəzi yerlərində arabir 28 m/s-dək güclənəcəyi gözlənilir.

Publika.az-a Milli Hidrometeorologiya Xidmətindən verilən məlumata əsasən, havanın temperaturu ötən günlərlə müqayisədə 5-7° aşağı enəcək.

Noyabrın 25-i Azərbaycanın rayonlarında şimal-qərb qərb rayonlarından başlayaraq 27-dək bəzi rayonlarda arabir yağış yağacağı gözlənilir. Ayrı-ayrı yerlərdə intensiv olacağı, dağlıq ərazilərdə qar yağacağı ehtimalı var. 24-ü axşamdan 25-i gündüzədək qərb küləyinin arabir 15-20 m/s, bəzi yerlərdə arabir 23-28 m/s-dək güclənəcəyi gözlənilir. Havanın temperaturu ötən günlərlə müqayisədə 5-10° aşağı enəcək. Çaylarda sululuğun artacağı ehtimalı var.