• USD 1,7000 0,00% EUR 1,8941 +0,46%
    • GBP 2,2470 +0,60% RUB 0,0269 +0,74%

Ən çox hansı universitetin məzunları dövlət qulluğuna qəbulda uğur qazanır?

Ən çox hansı universitetin məzunları dövlət qulluğuna qəbulda uğur qazanır?

Dövlət qulluğuna qəbulla bağlı müsabiqənin aprelin 22-də keçirilmiş test imtahanında iştirak üçün qeydiyyatdan keçmiş şəxslərin bitirdikləri ali təhsil müəssisələri və təhsil səviyyələri haqqında statistik məlumatlar açıqlanıb.

Dövlət İmtahan Mərkəzinin mətbuat xidmətindən Publika.az-a verilən məlumata görə, imtahanda ümumilikdə 47 ali təhsil müəssisəsinin məzunları iştirak ediblər. Bu linkdə (http://dim.gov.az/upload/iblock/08c/08cf85b55a1dbed1ed645796522b5763.pdf) imtahanda iştirak etmiş məzunlarının sayı 10‑dan artıq olan ali təhsil müəssisələrinin göstəriciləri əks olunub.

Bu linkdə (http://dim.gov.az/upload/iblock/45f/45fbe4dc8b8f1f0f4b9e7cb242cd2daf.pdf) isə imtahanda iştirak etmiş bakalavr təhsili olanlarla yanaşı, magistr təhsili olan məzunların göstəriciləri də təqdim olunur.

İmtahanda daha çox Azərbaycan Dövlət İqtisad Universitetinin və Bakı Dövlət Universitetinin məzunları iştirak ediblər. Azərbaycan Dövlət İqtisad Universitetinin 319 məzunundan 137 nəfər (42.9%), Bakı Dövlət Universitetinin 273 məzunundan 145 nəfər (53.1%) imtahandan uğurla keçib. BDU-nun uğur əldə etmiş məzunlarından 34 nəfərinin, ADİU-nun uğur qazanan məzunlarından isə 66 nəfərinin magistr təhsili vardır.

İmtahanda Azərbaycan Turizm İnstitunun məzunlarının 73.3%-i müvəffəqiyyət əldə edib. Turizm İnstitunun 15 məzunundan 11 nəfər sertifikat almaq üçün tələb olunan balı toplayıb. Azərbaycan Dövlət Neft Akademiyası məzunlarının 56.1%-i, Bakı Dövlət Universitetinin məzunlarının 53.1%-i, Azərbaycan Dövlət Aqrar Universiteti məzunlarının 52.9%-i, Azərbaycan Dövlət Pedaqoji Universitetinin 50.9%-i, Sumqayıt Dövlət Universitetinin məzunlarının 50%-i imtahandan uğurla keçib. Dövlət qulluğuna qəbul imtahanının test imtahanı mərhələsindən qeydiyyatdan keçmiş namizədlərdən 1059 nəfər yalnız bakalavr təhsillidir. Onlardan 457 nəfər uğur qazanıb. Magistr təhsili olan 431 nəfərdən isə 201 nəfər imtahanda uğur qazanıb.Məzunlarının sayı az olan ali təhsil müəssisələri üzrə göstəricilər statistik xəta çərçivəsindədir. Ona görə də onlar haqqında ümumi məlumatları ayrıca təqdim edirik.

10-dan az məzunu olan ali təhsil müəssisələrinin sayı 21-dir. Bu ali təhsil müəssiələrinin 104 məzunu imtahanda iştirak etmiş və onlardan yalnız 35 nəfər uğur qazanmışdır. Bu isə ümumilikdə imtahandan keçənlərin 5.3%-ni təşkil edir.

Fəaliyyəti dayandırılmış ali təhsil müəssisələrinin sayı isə 7-dir. Bu ali təhsil müəssisələrinin məzunlarından cəmi 12 nəfər (o cümlədən 5 nəfər Qafqaz Universiteti məzunu) imtahandan keçib.

Xəbər lenti

DAHA ÇOX XƏBƏR