Elm və təhsil
Əli Əhmədov: Təhsil sahəsində neqativ hallar var
Son 15 ildə 3500-dən çox məktəb binası tikilib və əsaslı təmir edilib. Bu, Azərbaycanın bütün dövrlədə inşa etdiyi məktəblərin 70 faizini təşkil edir.
Publika.az xəbər verir ki, bunu Baş nazirin müavini Əli Əhmədov Azərbaycan müəllimlərinin XV qurultayında çıxışı zamanı deyib.
Ə.Əhmədov bildirib ki, dövlətin təhsilə qayğısı nəticəsində müəllimin həyat şəraiti, təhsilin məzmun və keyfiyyətinin yaxşılaşdırılması müşahidə edilir “Azərbaycanda təhsil yeni səviyyəyə qalxıb. Təhsilin məzmununda keyfiyyət dəyişikliyi ilə əlaqədar islahatlar öz bəhrəsini verir”.
Baş nazirin müavini təhsil sahəsində qarşıda duran vəzifələr barədə danışıb. O bunun üçün qarşılıqlı fikir mübadiləsinin aparılmasına ehtiyac olduğunu deyib: “İlk növbədə təhsilin məhsuldar qüvvəyə çevrilməsi, yeni texnologiyaların yaranması və həyatımızda tətbiqinə imkan yaradılmalıdır. Təhsilin milli sərvətə çevrilməsi qarşımızda duran əsas vəzifələrdəndir. Bununla yanaşı, təhsilin rəqabət qabiliyyətinin artırılması da vacib şərtlərdəndir. Bu gün təhsilin, yeni texnologiyaların tətbiqinə sərmayə qoyulan dövlətlər inkişaf edirlər”.
Ə.Əhmədov qeyd edib ki, təhsilin ölkə əhalisinin həyat səviyyəsinə, məşğulluğun artmasına təsir göstərməsi təhsil siyasətinin qarşıda duran prioritetlərdəndir: “Təcrübə göstərir ki, yuxarı ali təhsil alanlar digərlərinə nisbətən 3 dəfədən çox əmək haqqı alırlar. Hər il əmək bazarına təhsili başa vuran 100 mindən çox yeni işçi qüvvəsi gəlir. Araşdırmalar göstərir ki, işlərini daha tez-tez itirənlər yüksək təhsil səviyyəsi olmayanlardır. Bu mənada, təhsilin səviyyəsinin yüksəlməsinin məşğulluğun yüksəlməsi ilə birbaşa əlaqədar olduğunu deyə bilərik. Bu gün ölkəmizdə hər bir təhsil alan gənc öz imkanlarının 60 faizini reallaşdıra bilir, inkişaf etmiş ölkələrdə bu, 75 faizdən yüksəkdir”. Ə.Əhmədov təhsildə əldə olunan uğurlarla yanaşı, neqativ halların müşahidə edildiyini vurğulayıb: “Təəssüf ki, təhsil sahəsində neqativ hallar var. Azərbaycan cəmiyyəti bunu görür və hiss edir. Təhsil Nazirliyi bu istiqamətində ciddi addımlar atır, lakin daha böyük səylərin göstərilməsinə ehtiyac var. ”.
Gülxar
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası28 Mart 20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art28 Mart 19:36
Azərbaycan və Türkiyə birgə film çəkəcəklər - ADI AÇIQLANDI