Elm və təhsil
Orta məktəblər üçün yeni hazırlanan kurikulumlarda proqramlar sadələşdirilib
Təhsil Nazirliyi tərəfindən yeni hazırlanmış "Ümumi təhsil pilləsinin yeni dövlət standartları" layihəsində proqramlar bir qədər sadələşdirilib, mənəvi-dəyərlər nəzərə alınıb.
Bunu Trend-ə Milli Məclisin Elm və təhsil komitəsinin sədri, akademik İsa Həbibbəyli deyib.
Onun sözlərinə görə, yeni sənəd layihəsində azərbaycançılıq ideyasına xüsusi diqqət yetilir: "Hazırda qüvvədə olan dövlət standartları layihəsi təxminən 10 il əvvəl hazırlanıb və onun yenilənməsinə ehtiyac var. Orada azərbaycançılıq, milli-mənəvi-dəyərlər az nəzərə alınmışdı. Nazirliyin yenidən hazırladığı sənəd layihəsində proqramlar bir qədər sadələşdirilib, mənəvi-dəyərlər nəzərə alınıb, azərbaycançılıq ideyasının təbliğinə xüsusi diqqət verilib".
İ.Həbibbəyli "Təhsil haqqında" yeni qanuna təklif edilən dəyişikliyə - təhsil proqramlarının (kurikulumların) təsdiq edilməsinin dövlətin vəzifələri sırasından çıxarılmasına da münasibət bildirib.
Onun sözlərinə görə, bu təklifə əsasən, təhsil proqramlarını Nazirlər Kabineti deyil, Təhsil Nazirliyinin Kollegiyası təsdiq edəcək: "Kurikulumların təsdiq edilmə səlahiyyətinin Nazirliyə verilməsi siyasi qərar deyil. Kurikulumların hazırlanması və təsdiqi ixtisas, pedaqoji biliklər tələb edən məsələdir. Ona görə də kurikulumları Təhsil Nazirliyi və ona tabe qurumlar hazırladıqdan sonra Nazirliyin kollegiyası təsdiq edəcək".
Qeyd edək ki, mövcud "Ümumi təhsil pilləsinin dövlət standartları və proqramları" Nazirlər Kabinetinin 2010-cu il 3 iyun tarixli qərarı ilə təsdiq edilib. "Ümumi təhsil pilləsinin dövlət standartları və proqramları" ilə bağlı yeni sənəd layihəsi Təhsil Nazirliyi tərəfindən hazırlanaraq Nazirlər Kabinetinə təqdim edilib.
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO
-
Səhiyyə18 Aprel 22:36
Ürək ritminin pozulmasının YENİ TƏHLÜKƏSİ: Hər beşinci insan...
-
Region18 Aprel 21:48
Türkiyədəki dağıdıcı zəlzələnin görüntüsü yayıldı: yaralılar var - VİDEO
-
Elm və təhsil18 Aprel 21:24
Dövlət məktəblərində servis xidməti yaradılır? - RƏSMİ / VİDEO
-
Gözəllik18 Aprel 21:12
Süni intellekt gözəli 20 min dollar MÜKAFAT ALACAQ
-
Magazin118 Aprel 21:00
Xoşqədəm ötən gün vəfat edən Hadı Rəcəblidən danışdı: "Gördünüzmü?..."