Səfirlikdən Türkiyə universitetlərinə qəbul olunmuş şəxslərə MÜRACİƏT - FOTO

Azərbaycan Səfirliyi 2021-2022-ci tədris ilində Türkiyə universitetlərinə qəbul olunmuş ölkə vətəndaşlarına müraciət edib.

Publika.az xəbər verir ki, bu barədə Azərbaycanın Türkiyədəki səfirliyi məlumat yayıb.

Bildirilib ki, Azərbaycan Respublikasının vətəndaşları pasport və biometrik şəxsiyyət vəsiqəsi ilə Türkiyə Respublikasına səyahət edə bilirlər.

“Türkiyə Respublikasının ərazisində hər hansı səbəbdən 90 gündən artıq müddətdə qalmaq istəyən Azərbaycan Respublikasının vətəndaşları, o cümlədən tələbələr bu dövlətdə yaşamaq icazəsi almaq üçün Türkiyəyə pasportla giriş etməlidirlər. Qeyd edilənləri nəzərə alaraq, Türkiyəyə təhsil almağa gələn vətəndaşlarımızın bu dövlətə pasportla giriş etmələri çox vacibdir”, - deyə Səfirliyin məlumatında qeyd olunub.

TÜRKİYƏ RESPUBLİKASI UNİVERSİTETLƏRİNƏ 2021-2022-Cİ TƏDRİS İLİNDƏ QƏBUL OLUNMUŞ AZƏRBAYCAN RESPUBLİKASI VƏTƏNDAŞLARININ NƏZƏRINƏ!!!

Azərbaycan Respublikasının vətəndaşları pasport və biometrik şəxsiyyət vəsiqəsi ilə Türkiyə Respublikasına səyahət edə bilirlər.

— AzEmbassyTurkey (@AzEmbassyTurkey) September 16, 2021