İqtisadi gündəm
Maliyyə Nazirliyi yeni büdcə qaydalarının detallarını açıqlayıb
Azərbaycan Prezidenti İlham Əliyevin tapşırığına uyğun olaraq, Maliyyə Nazirliyi yeni büdcə qaydalarının layihəsini hazırlayaraq Maliyyə Sabitliyi Şurasına təqdim edib və Şura tərəfindən layihəyə baxılaraq bəyənilib.
Maliyyə Nazirliyinin mətbuat katibi Mais Piriyev bildirib ki, qaydaların hazırlanması zamanı Maliyyə Nazirliyi tərəfindən müxtəlif simulyasiyalar aparılaraq neft qiymətlərinin mümkün trayektoriyalarının büdcənin gəlir və xərclərinə təsirləri təhlil edilib.
Onun sözlərinə görə, yeni büdcə qaydalarına əsasən, neft qiymətlərinin büdcədə proqnozlaşdırılan qiymətdən daha yüksək olduğu hallarda əldə edilən əlavə gəlirlərin böyük qismi yığıma yönəldilməklə yalnız müəyyən bir hissəsi xərclənə biləcək.
"Yəni, neft gəlirlərinin orta və uzun müddət istifadəsi üzrə yuxarı hədlər müəyyən olunur ki, bu da icmal büdcə xərclərinin kəskin artımının qarşısını almaqla fiskal siyasətin protsikliyini əhəmiyyətli dərəcədə məhdudlaşdırmağa, orta və uzunmüddətli makroiqtisadi və büdcə dayanıqlığını təmin etməyə, maliyyə və borc intizamını gücləndirən büdcə siyasətinin həyata keçirilməsinə xidmət edəcək. Bütövlükdə, yeni büdcə qaydaları ölkənin xalis maliyyə aktivlərini əsas meyar kimi götürməklə neft qiymətlərinin dəyişkən şəraitində ölkənin xalis maliyyə aktivlərinin qorunub saxlanmasını hədəfləyir, - deyə M.Piriyev vurğulayıb.
Maliyyə Nazirliyinin rəsmisi əlavə edib ki, yeni qaydalar digər neft ixrac edən ölkələrin təcrübələri, Azərbaycan iqtisadiyyatının xüsusiyyətləri, habelə beynəlxalq maliyyə təşkilatlarının tövsiyələri nəzərə alınmaqla hazırlanıb. (apa)
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...