İqtisadi gündəm
Azərbaycan və Litva gömrük xidmətləri arasında əlaqələrin perspektivləri müzakirə olundu
Dövlət Gömrük Komitəsinin sədri, gömrük xidməti general-polkovniki Səfər Mehdiyev Litvanın Azərbaycandakı səfiri Eqidius Navikas ilə görüşüb.
Komitədən Publika.az-a verilən məlumata görə, qonağı səmimiyyətlə salamlayan Dövlət Gömrük Komitəsinin sədri Səfər Mehdiyev Azərbaycanla Litva arasında mövcud əməkdaşlıqdan bəhs edib, tərəflər arasında əlaqələrin bütün sahələri əhatə etdiyini vurğulayıb, qarşılıqlı fəaliyyətin bundan sonra da davam edəcəyinə ümidvar olduğunu bildirib.
Komitə sədri Prezident İlham Əliyevin rəhbərliyi ilə bütün sahələrdə, o cümlədən gömrük sistemində həyata keçirilən islahatlar barədə məlumat verib, tətbiq edilən yeniliklərin ölkənin ixrac potensialını inkişaf etdirmək, gömrük prosedurlarını sadələşdirmək, şəffaflığı təmin etməklə yanaşı, beynəlxalq ticarətin asan və sürətlə həyata keçirilməsinə münbit şərait yaratdığını da söyləyib. Qeyd edilib ki, gömrük sahəsində aparılan struktur və kadr islahatlarında məqsəd peşəkar və bilikli kadrları işə cəlb etməklə çevik və dinamik gömrük xidməti formalaşdırmaqdır.
Azərbaycan və Litva gömrük xidmətləri arasında mövcud əməkdaşlıqdan söhbət açan Səfər Mehdiyev iki ölkə arasında ticarət dövriyyəsinin artırılması istiqamətində səylərin daha da gücləndirilməsinin vacibliyinə toxunub, təcrübə mübadiləsinin əhəmiyyətini vurğulayıb.
Litvanın Azərbaycandakı fövqəladə və səlahiyyətli səfiri Eqidius Navikas ölkəsinin Azərbaycanla bütün sahələrdə əməkdaşlıqda maraqlı olduğunu bildirib.
İki ölkə arasında gömrük sahəsində münasibətlərin inkişaf tempindən danışan səfir bu əlaqələrin perspektivlərinə toxunub. Eqidius Navikas Azərbaycan və Litva gömrük xidmətlərinin qarşılıqlı əməkdaşlığının daha da gücləndirilməsi istiqamətində bundan sonra da səylərini əsirgəməyəcəyini deyib.
Görüşdə qarşılıqlı əlaqələrin perspektivləri barədə fikir mübadiləsi aparılıb.
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!
-
Hadisə24 Aprel 21:49
Vətən müharibəsi iştirakçısı anasının xəstəliyini eşidib intihar etdi