• USD 1,7000 0,00% EUR 1,8580 0,00%
    • GBP 2,0761 0,00% RUB 0,0238 0,00%

Koronavirusa görə bu sahələrə maliyyə yardımı ayrılacaq - AÇIQLAMA

Koronavirusa görə bu sahələrə maliyyə yardımı ayrılacaq - AÇIQLAMA

İqtisadiyyat naziri Mikayıl Cabbarov koronavirus infeksiyası ilə əlaqədar yaranmış vəziyyətə görə maliyyə yardımı ayrılacaq sahələrdən danışıb.

Publika.az-ın məlumatına görə, Azərbaycan Televiziyasında (AzTV) “Hədəf” verilişinin qonağı olan M.Cabbarov 9 proqramın hazırlandığını bildirib:

“Təbii olaraq, ilk növbədə, zərərçəkmiş sahələrin müəyyənləşdirilməsi işini ön plana çəkmişik. Bu, 4 böyük sektoru və 20 fəaliyyət sahəsini əhatə edir. Ən çox zərərçəkmiş, əhəmiyyətli dərəcədə zərər çəkmiş, minimal və heç zərər çəkməmiş iqtisadiyyatın sahələri müəyyənləşdirilib”.

Nazir əlavə edib ki, birinci və əhatəli olan proqram 304 min muzdlu işçini və 44 min sahibkarlıq subyektini əhatə edən proqramdır:

“Proqramın əsas məntiqi fəlsəfəsi həmin subyektlərin işçilərinin əməkhaqlarının əhəmiyyətli hissəsinin verilməsi üçün dövlət tərəfindən maddi yardımın göstərilməsidir. Burada işçinin real maaşını və ya respublika üzrə orta aylıq əməkhaqqını götürürük. Yanvar ayının nəticələrinə görə, orta aylıq əməkhaqqı 700 manatdan yuxarı olub. Bu proqramın fəlsəfəsinə görə, aylıq əməkhaqqı fondunun 50%-nə bərabər olan hissəsi birbaşa maliyyə ayrılması şəklində sahibkarlara, həmin müəssisələrə təklif edilir”.

M.Cabbarov əlavə edib ki, son günlər baş verən proseslər 11 fəaliyyət istiqamətinə 100% təsir edib: "Bunlar ictimai iaşə, xidmət, turizm və s. sektorlardır. Digər 9 fəaliyyət istiqaməti isə əhəmiyyətli mənfi təsirə məruz qalır. Burada biz 70% əmsalını tətbiq edirik. Yəni, təsir aşağıdır, amma əhəmiyyətlidir.

Halal Nemət

Xəbər lenti

DAHA ÇOX XƏBƏR