İqtisadi gündəm
Mətbuat Şurası: “Hələlik narahatlığa əsas yoxdur“
"Azərbaycan beynəlxalq konvensiyalara qoşulduğundan ölkədə qəbul olunan qərarlar da ilk növbədə beynəlxalq standartlara uyğunlaşdırılır".
Publika.Az-a açıqlamasında bu sözləri Jurnalistlərin Həmkarlar İttifaqının sədri, Mətbuat Şurasının sədr müavini Müşfiq Ələsgərli Media Hüququ İnstitutunun bəyanatını şərh edərkən deyib.
Milli Məclis"İnformasiya əldə etmək haqqında","Kommersiya sirri haqqında" və"Hüquqi şəxslərin dövlət qeydiyyatı və dövlət reyestri haqqında" qanunlara əlavə və dəyişikliklər etməyə hazırlaşır. Media Hüququ İnstitutu bu dəyişikliklərin ölkə konstitusiyasına, informasiya əldə edilməsini tənzimləyən bütün qanunlara və korrupsiyaya qarşı mübarizəyə dair bütün normativ aktlara, Azərbaycanın tərəfdar çıxdığı beynəlxalq müqavilələrə zidd olduğunu qeyd edir.
Media Hüququ İnstitutundan əlavə bir neçə siyasi partiya, jurnalist təşkilatı və müstəqil jurnalistlər hesab edir ki, nəzərdə tutulan dəyişikliklər informasiyanın əldə olunmasını çətinləşdirəcək.
Mətbuat Şurasının sədr müavini isə bu fikirdədir ki, gözlənilən dəyişikliklərlə bağlı heç bir narahatlığı əsas yoxdur: "Qanunvericiliyin iddia olunan formada məhdudlaşdırılması ağlabatan deyil. Hesab edirəm ki, bu bir qədər bilgisizlikdən irəli gələn narahatlıqdır.
Qeyri-hökumət təşkilatlarının narahat olmaları onların borcudur, vəzifəsidir. Ancaq buna heç bir əsas görmürəm. Çünki Azərbaycanın özbaşına beynəlxalq standartlara, konvensiyalara zidd qanunlar qəbul etməsi inandırıcı deyil.
Mənə elə gəlir, hələlik ehtimal olunan dəyişikliklərdən söhbət gedir. Qanunvericilikdə hansı məqamların dəyişdiriləcəyi parlamentdə müzakirələr zamanı bilinəcək. Onda məsələyə daha ətraflı münasibət bildirmək olar".
Ömər Əmirov
Publika.Az
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər