İqtisadi gündəm
Külli miqdarda vergidən yayınma faktları aşkarlanıb
Vergilər Nazirliyi yanında Vergi Cinayətlərinin İbtidai Araşdırılması Departamenti tərəfindən 2012-ci ilin mayında 25 cinayət işi başlanıb.
Cinayət işlərindən 7-si külli miqdarda vergiləri dövlət büdcəsinə ödəməkdən yayındırmış sahibkarlar barəsindədir.
Publika.Az-ın məlumatına görə, araşdırmalar zamanı müəyyən olunub ki, 3 saylı Ərazi Vergilər İdarəsinin (ƏVİ) qeydiyyatındakı "Elmar" və "Cəlil" məhdud məsuliyyətli cəmiyyətləri (direktoru Qasımov Əhliman Qasım oğludur) vergi orqanlarına hesabat təqdim edərkən bilərəkdən təhrifə yol verib, nəticədə dövlət büdcəsinə 103 min manat məbləğində vəsait ödəməkdən yayınıb.
Departamentin İstintaq İdarəsində və Təhqiqat şöbəsində aparılan araşdırma zamanı 8 saylı ƏVİ-də qeydiyyatda olan "Araz-İnşaat" MMC 364 min 238,6 manat, 3 saylı ƏVİ-də qeydiyyatda olan "Qlobal-S" MMC isə 74 min 796,8 manat (hər iki cəmiyyətin direktoru sahibkar Ağayev Akif Əvəz oğludur) məbləğində vəsaiti vergi orqanlarına təqdim edilən bəyannamələrə gəlir və xərclər barədə qəsdən təhrifə yol verməklə büdcədən yayındırıb.
Bundan əlavə, "Saf Təchizatçı" MMC və "Təmir Tikinti Servis-S" MMC-də də külli miqdarda vergi vəsaitinin dövlət büdcəsinə ödənilməsində yayınmalara yol verildiyi aşkarlanıb.
Vergidən yayınma faktları toplanmış materiallarla təsdiq edildiyi üçün onların hər biri üzrə Departamentdə Azərbaycan Respublikası Cinayət Məcəlləsinin 213.2.2-ci maddəsi (külli miqdarda vergilərin dövlət büdcəsindən yayındırılması) ilə müvafiq cinayət işi başlanıb.
Publika.Az
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO