İqtisadi gündəm

Bu il Prezident Aparatının işçilərinin maaşı artmayacaq

5 Yanvar 2015 21:28

2015-ci ildə dövlət işçilərinin, Prezident Administrasiyası, hökumət aparatı, Hesablama Palatası, Xarici İşlər Nazirliyinin və eləcə də onun ərazi orqanlarının maaşlarının indeksasiyası aparılmayacaq.

Publika.az Rusiya mətbuatına istinadən bildirir ki, Rusiya prezidenti Vladimir Putinin imzaladığı fərmana əsasən əməkhaqlarının inflyasiyaya uyğun artımı dayandırılıb. Qərar federal büdcənin optimallaşdırılması məqsədi daşıyır.

Bu arada digər büdcə işçilərinin maaşları inflyasiya gözləntisinə uyğun indeksasiya ediləcək. Bu məqsədlə 2015-ci ildə büdcədən 80 milyard rubl ayrılıb. Hansı ki 2014-cü ilin ilk 9 ayında Rusiya Federasiyasının dövlət orqanlarının işçilərinin orta aylıq əməkhaqqısı 95,5 min rubl təşkil edib.

Onu da qeyd edək ki, hökumət aparatında orta aylıq əməkhaqqı 200,434 min (2685 manat) rubldır.

İqtisadiyyat şöbəsi