• USD 1,7000 0,00% EUR 1,9052 +0,23%
    • GBP 2,1644 +0,56% RUB 0,0264 +0,76%

Çovdarovun məhkəməsində şahidlər ifadə verdi - YENİLƏNİB

Çovdarovun məhkəməsində şahidlər ifadə verdi - YENİLƏNİB

Bu gün Sabunçu Rayon Məhkəməsinin inzibati binasında ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov, MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işi üzrə məhkəmə iclası davam etdirilib.

Publika.az “Report”a istinadən xəbər verir ki, Bakı Hərbi Məhkəməsinin sədri Həbib Həsənovun sədrliyi ilə qapalı keçirilən prosesdə A.Çobdarovun vəkili Sadiq Rəsulov vəsatətlə çıxış edib.

O bildirib ki, KİV-də "Yeni Yasamal" MTK-nın rəhbəri Cahangir Alışovun barəsində dələduzluq faktı ilə bağlı yazılar çap olunub: "Biz həmin yazıları məhkəməyə təqdim etdik. Məhkəmədən xahiş etdik ki, hökm çıxarılan zaman bununla bağlı Cahangir Alışovun xarakterizə olunan məlumat kimi qeyd edilsin".

Vəsatət təmin edilib.

Daha sorna şahid qismində Cəfər Cəfərzadə ifadə verib. O, zərərçəkmiş C.Alışovun tanımadığı şəxsdən mənzil aldığını söyləyib: “Cahangir də həmin mənzili Akif və Nurxan müəllimə göstərib. Mənzilin əvəzində isə Cahangir Alışov həmin şəxsə “Karvansaray" Ticarət Mərkəzindən iki mağaza verib".

S.Rəsulov jurnalistlərə açıqlamasında qeyd edib ki, C.Alışov şahidin ifadəsini təsdiq edib: "Biz də onu xatırlatdıq ki, istintaq vaxtı 6 evi və bir yaşayış sahəsinin 3 ədədi 157 min manata satıb və həmin pula 130 kv ev alıb".

C.Alışov istintaqa verdiyi ifadəsini təkzib edib və şahidin dediklərini təsdiq etdiyini bildirib.

Daha sonra şahid qismində Təranə Əmircanova dindirilib. O, Akif Çovdarovun kürəkəninin bacısı olduğunu söyləyib: “"Yüksəliş Ç" şirkətindən dəyərini ödəməklə ev almışıq. Həmin mənzili qardaşım mənə göstərdi. Xoşuma gəldi, pulu qardaşıma verdim. Daha sonra firmadan Samir adlı şəxs gəldi və müqavilə imzalandı. İki gündən sonra ödəmə qəzbini də verdi. Evi Akif Çovdarovun hədə-qorxusu ilə deyil, öz istəyimizlə almışıq".

Akif Çovdarovun sürücüsü və dostu məhkəmədə ifadə verib

Günün ikinci yarısında davam edən iclasda keçmiş MTN-in sabiq əməkdaşı Alı Nəbiyev şahid qismində dindirilib.

O, zərərçəkmiş C.Alışov və digər zərərçəkmiş şəxslərdən A.Çovdarovun adından pul almadığını və onların dediklərinin həqiqəti əks etdirmədiyini söyləyib.

Daha sonra prosesdə şahid qismində A.Çovdarovun sürücüsü olmuş Nurxan Atakişiyev ifadə verib. Həmin şəxs də C.Alışovun dediklərini təkzib edərək onun yalan danışdığını bildirib: “Cahangir Alışov adıma ev rəsmiləşdirməyib. Onun belə deməsi düz deyil. Bununla bağlı müqavilə belə yoxdur“.

Şahid qismində A.Çovdarovun dostu Adil Yaqubov ifadəsində qeyd edib ki, Masazırda yaradılan balıqçılıq təsərrüfatı generalın kürəkəni Rövşən Qasımova məxsus olub.

Proses fevralın 27-də davam etdiriləcək.

Xatırladaq ki, C.Alışov istintaqakı dindirilməsində göstərib ki, A.Çovdarov onu MTN-in inzibati binasına çağırıb, 500 min manat tələb edib. Daha sonra C.Alışov A.Çovdarova 350 min manat verib.

Qeyd edək ki, A.Çovdarov 2015-ci ilin noyabr ayında həbs edilib. Həmin vaxt Səbail Rayon Məhkəməsi onun barəsində dörd ay müddətində həbs qətimkan tədbiri seçib. Sonradan həbs qətimkan tədbirinin vaxtı bir neçə dəfə uzadılıb. O, Cinayət Məcəlləsinin 145.3 (Qanunsuz azadlıqdan məhrum etmə ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 179.3.1, 179.3.2 (Mənimsəmə və ya israf etmə mütəşəkkil dəstə tərəfindən külli miqdarda törədildikdə), 181.3.1, 181.3.2 (Quldurluq mütəşəkkil dəstə tərəfindən külli miqdarda əmlak əldə etmək məqsədi ilə törədildikdə), 182.3.1, 182.3.2 (Hədə-qorxu ilə tələb etmə külli miqdarda əmlak əldə etmək məqsədi ilə törədildikdə ), 228.4 (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə), 302.1, 302.2 (Gizli qaydada informasiya alınması üçün nəzərdə tutulmuş texniki vasitələrdən istifadə edilməklə əməliyyat-axtarış fəaliyyəti haqqında qanunvericiliyi pozma), 311.3.1, 311.3.2, 311.3.3, 311.3.4 (Rüşvət alma qabaqcadan əlbir olan bir qrup şəxs və ya mütəşəkkil dəstə tərəfindən hədə-qorxu tətbiq olunmaqla külli miqdarda və təkrar törədildikdə), 313 (Vəzifə saxtakarlığı), 341.2.1, 341.2.2 və 341.2.3-cü (Bir qrup şəxs tərəfindən silah tətbiq olunmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə ağır nəticələrə səbəb olduqda) maddələri ilə ittiham olunur.

A.Çovdarov və MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işi üzrə ittiham aktı ibtidai araşdırmaya prosessual rəhbərliyi həyata keçirən Azərbaycan Respublikasının Baş prokuroru tərəfindən təsdiq edilərək sentyabrın 5-də aidiyyəti üzrə baxılması üçün məhkəməyə göndərilib.
Xatırladaq ki, cinayət işi üzrə 320-dən çox şahid, 60-dan çox isə zərərçəkmiş var. Zərərçəkmiş şəxslərə vurulmuş ziyanın ödənilməsinin təmin olunması üçün məhkəmə qərarları əsasında təqsirləndirilən şəxslər A.Çovdarov, S.Məmmədov, A.Əliyev və O.Osmanova məxsus ümumilikdə 33 milyon 466 min manat dəyərində əmlak və pul vəsaitlərinin, o cümlədən 8 milyon 967 min manat dəyərində ticarət və xidmət
sahələri, istilikxanalar, balıqçılıq təsərrüfatları və sair əmlak kompleksi, torpaq sahələri, 24 milyon 445 min manat dəyərində fərdi yaşayış evləri, mənzillər, nəqliyyat vasitələri və 37 min manat dəyərində zərgərlik məmulatlarının üzərinə həbslər qoyulub.

loading...

Xəbər lenti

DAHA ÇOX XƏBƏR