Hadisə

Bakıda itkin düşən 11 yaşlı uşaq tapıldı - FOTO - (YENİLƏNDİ)

4 Aprel 2017 12:49

O, icazəsiz evdən çıxıb, lakin geri qayıtmayıb.

Bakıda itkin düşmüş 11 yaşlı Ağamir Nəcəfi tapılıb.

Bu barədə uşağın anası Elnarə Məmmədova məlumat verib.

Hazırda uşaq valideynləri ilə birlikdə Nərimanov Rayon Polis İdarəsinin 18-ci polis bölməsindədir: "Mən uşağın yanındayam. O, özündən yaşca böyük dostunun yanında olduğunu deyir. Amma həmin dostunu mən tanımıram. Əsas olan övladımın tapılmasıdır". (report)

***

Bakıda 11 yaşlı itkin düşüb.

Bu barədə anası Elnarə Məmmədova məlumat verib.

E.Məmmədovanın sözlərinə görə, paytaxtın Nərimanov rayonu Yanvar Nəsirov küçəsi, ev 4 ünvanında yaşayan 11 yaşlı Ağamir Nəcəfi dünən saat 14:00 radələrində evdən çıxaraq, bir daha geri qayıtmayıb: "Ağamir hadisədən əvvəl icazəsiz evdən çıxdığı üçün atası Abbas və mən onu danladıq. Bundan sonra o, yenə icazəsiz evdən çıxıb, lakin geri qayıtmayıb. Biz hələ də oğlumuzdan bir xəbər ala bilmirik".

Onu görənlərdən (050) 222 19 24 nömrəli telefona zəng vurmaları xahiş olunur. (report)