• USD 1,7000 0,00% EUR 2,0088 +0,35%
    • GBP 2,2262 +0,10% RUB 0,0232 -0,43%

Valideyn məsuliyyətsizliyinin dəhşətli nəticəsi: 4 yaşlı uşaq diri-diri yandı (YENİLƏNDİ)

  • Hadisə
  • 7 Aprel 2017 12:06
  • 967 Baxış
Valideyn məsuliyyətsizliyinin dəhşətli nəticəsi: 4 yaşlı uşaq diri-diri yandı

Bu gecə Biləsuvar rayonunun Zəhmətabad kəndində 4 yaşlı Abbasova Yağmur Mahir qızının ölümü ilə nəticələnən dəhşətli yanğın hadisəsinin təfərrüatları məlum olub.

Hadisə vaxtı azyaşlı qız evdə 13 yaşlı dayısı ilə birgə olub. Onun anası Jalə Abbasova nənəsi Aynurə ilə harasa qonaq gedibmiş.

Bildirilir ki, Jalə Abbasova bir müddət əvvəl Mahir adlı şəxslə ailə qurub və çox keçmədən körpə qızı ilə anasının evinə qayıdıb. O, burada anası və kiçik qardaşı ilə birgə yaşamağa başlayıb. Dünən o, anası Aynurə ilə qonaqlığa gedib. Uşaq isə evdə yeniyetmə dayısı ilə qalıb. Gecə saat 01 radələrində evin yandığını görən yeniyetmə oğlan çətinliklə otağı tərk edərək həyətə düşə bilib. O, qonşuları çağırıb. Lakin artıq gec olub. 4 yaşlı Yağmur evdə tamamilə yanaraq ölüb. Körpənin anası və nənəsi yanğın söndürülərkən özlərini çatdıra biliblər.

Hadisədən sonra Jalə Abbasova və qardaşı ağır psixoloji travma alıblar və onlara yardım göstərilib. (lent.az)

***

Gecə saatlarında Biləsuvar rayonunun Zəhmətabad kəndində yanğın baş verib.

Publika.az Fövqəladə Hallar Nazirliyinə istinadən xəbər verir ki, nəticədə vətəndaşa məxsus ümumi sahəsi 100 m² olan birmərtəbəli 3 otaqlı evin yanar konstruksiyaları yanıb.

Həmçinin yanğının kəşfiyyatı zamanı 2013-cü il təvəllüdlü Yağmur Mahir qızı Abbasovanın yanmış meyiti aşkar edilərək aidiyyəti üzrə təhvil verilib. Yaxınlıqdakı tikililər yanğından mühafizə olunub. Yanğın söndürülüb.

Halal Nemət

Xəbər lenti

DAHA ÇOX XƏBƏR